ქუთაისის ავტომექანიკურ ქარხანას 72 წლიანი ისტორია და ტრადიაცია აქვს. ის რეგიონში ერთ-ერთი უძველესი საწარმოა. ქარხანა ყოფილი საავტომობილო ქარხნის ბაზაზე დაარსდა, რომელიც 1945 წლიდან ფუნქციონირებდა. პირველი ქართული ავტომობილი “კაზ 150” კონვეირიდან 1951 წელს ჩამოვიდა.
არსებობის მანძილზე, ქარხანას გამოშვებული აქვს სატვირთო ავტომობილის 8 და მისაბმელის 3 მოდელი. მათ შორის სასოფლო-სამეურნეო დანიშნულების მაღალი გამავლობის 4 × 4 თვლის ფორმულიანი, თვითმცლელი ავტომატარებელი კაზ-4540 +გკბ 8535, რომლის გამოშვება დაიგეგმა ე.წ. სასურსათო პროგრამის ფარგლებში, მას შემდეგ რაც დამთავრდა ქარხნის რეკონსტრუქცია-გადაიარაღება წელიწადში 20 000 ცალი ავტომატარებლის სიმძლავრეების საწარმოებლად.
1990-1996 წლებში შემცირდა საავტომობილო ტექნიკის მოცულობა და ქარხანამ დაიწყო პარტნიორების მოძებნა უცხოეთში სხვადასხვა ტიპის დეტალების დამზადების და ექსპორტირების მიზნით. დამყარდა ურთიერთობები ცნობილ იტალიურ და გერმანულ ფირმებთან, როგორებიც არის: იტალიური: “ფანტუცი”, “ფირი”, პრამაკ ლიფტერ”, G”გოლდონი”, “კარარო”, “ლული”, “პლასტიტალია”, “ქროუნი”; გერმანული “ციურნი”, “ამსბეკი”, “არტურ შადე”, რომელთაც თვის განმავლობაში მიეწოდებოდათ პერიოდების მიხედვით 200-400 ტონა მზა პროდუქცია
პარალელურად ექსპორტისა ქარხანა აქტიურად ოპერირებდა შიგა ბაზარზე, ათვისებულ იქნა ახალი ბორტიანი და სპეციალური დანიშნულების ავტომობილი 4×2 თვლის ფორმულით, მოდელი კაზ-4560 რომელიც მიეწოდებოდა ენერგეტიკოსებს და სხვა დაინტერსებულ კომპანიებს. ამას გარდა ქარხანამ დაამყარა მჭიდრო ურთიერთობები სს” საქართველოს რკინიგზასთან”, ენერგეტიკულ სექტორთან და სოცუზრუნველყოფის სამინისტროსთან, აწვდიდა რა მათ მათვის საინტერესო მარაგ ნაწილებს.
დღეს შპს “ქუთაისის ავტომექანიკურ ქარხნაში” ფუნქციონირებს მექანიკური და სამხსხმელო საამქროები, რომელთაც შეუძლიათ შეასრულონ მექანიკური დამუშავების სხვადასხვა ზომის სხმულების ჩამოსხმა და აწარმოებენ სხვადასხვა დანიშნულების პროდუქციას. ამასთან ერთად ქარხანას მომხმარებელს შეუძლია შესთავაზოს სასოფლო-სამეურნეო დანიშნულების ტექნიკის და მოწყობილობების ფართო სპექტრი, ადგილობრივი წარმოების მოტობლოკები და მისი სხავადასხვა მაკომპლექტებლები, დიდი სიმძლავრის ტრაქტორის გუთნები, ასევე საგარანტიო,სერვის-მომსახურეობა მიწოდებულ პროდუქციაზე.